යෝග ඉතිහාසය | HISTORY OF YOGA
යෝග යන වචනය සංස්කෘත භාෂා මුලාශ්‍රයකි. " යුග් " හෝ "යුජ්" වචනය පදනම් කරගෙන මෙම වචනය උපත ලබා ඇත. "යුග්" යන වචනයේ තේරුම ලෙස බැදීම, එකතු වීම, එක වීම, සම්බන්ධ වීම ආදී අර්ථ ගෙන දේ. "යුජ්" හි අර්ථය ලෙස සමාධියට යාම, භාවනා කිරීම අර්ථ ගෙන දේ. මිනිස් සිතේ පවතින්නා වූ ශක්තීන් උසස් තලවල සිටින්නා වූ දේව බලවේග සමග සම්බන්ධ වීම යෝග වල පුරාණ ඉගැන්වීම් වේ. කය හා මනස හීලැ කොට මෝක්ෂය කරා ලඟා වන්නේ කෙසේද යන්න යෝග දර්ශනයේ ඉගැන්වීමයි. යෝග දර්ශනය ඉතා පුළුල් විෂයකි. ඉපැරණි ඉන්දියාවේ මුලික ඉගැන්වීම්වලින් එකක් ලෙස යෝග දර්ශනය තිබු අතර එකල විවිධ තැන්වල තිබු ඉගැන්වීම් එකතු කොට "පතන්ජලි යෝග සුත්‍ර" ලෙස ග්‍රන්ථයක් එළිදක්වා ඇති අතර එම ග්‍රන්ථය මුලාශ්‍ර ග්‍රන්ථය ලෙස යෝග හදාරන්නන් භාවිතා කරයි.
යෝග භාවනා | YOGA MEDITATION
ලෝකයේ විවිධ ආගම් හා දර්ශනයන් තුළ සිත වැඩීම සඳහා මානසික ව්‍යායාම් ක්‍රම හා මනස හැසිරවීමේ ක්‍රම හඳුන්වා දී ඇත. එය භාවනා ලෙස හැඳින්වේ. ලෝකයේ භාවනා ක්‍රම රාශියක් ඇත. විවිධ ආගමික නායකයන් අධ්‍යාත්මය වර්ධනය කළ පුද්ගලයන් ශාස්තෘවරයන් ඔවුන්ට ආවේණික වූ භාවනා ක්‍රම හඳුන්වා දී ඇත. යෝග භාවනා යනුද යෝග දර්ශනය හා බැඳුණු ප්‍රධාන සිත වඩන මෙන්ම, සිත වඩන කය ද පාලනයකට ලක් කර විශ්වය සමඟ එක්විය හැකි, එසේ නැතිනම් විශ්වය තේරුම් ගත හැකි ක්‍රමවේදයයි. යෝග භාවනා ක්‍රම රාශියක් යෝග දර්ශනය තුළ හඳුන්වා දී ඇති අතර "ප්‍රාණයාම" ශ්වසන අභ්‍යාස හා "ඕම්" භාවනාව ප්‍රධාන වේ.
යෝග භාවනා වර්ග
ආධුනිකයකු යෝග සදහා යොමුවීම
HOW TO PRACTICE
යෝග පුහුණුවීම සදහා විශේෂ සුදානමක් අවශ්‍ය නැත.යෝග යනු මෙලොව මිනිසුන්ට අමුතුම දෙයක් නොව.නමුත් මිනිසා දිනෙන් දින ආර්ථික ලොව ජය ගැනීමට උත්සාහ කරන නිසාවෙන් හා යාන්ත්‍රික තාක්ෂණය දියුණු වීම හේතුවෙන් සහ පරිසරය තුලින් ඈත්වීම වීම හේතුවෙන් යෝග යන අධ්‍යාත්මක ජීවන දර්ශණය මිනිස් සමාජයෙන් ඈත් වී ඇත.
පළමුව ඒ සදහා කාලයක් වෙන් කර ගන්න.එය තමන්ට පහසු වෙලාවක් විය යුතුය.
යෝගාසන සදහා පෙර සුදානම.